पुणे लाईव्ह न्यूज । ६ नोव्हेंबर २०२२ । पुणे येथील (मांडवगण फराटा) गणेगाव दुमाला तालुका शिरूर येथे किमान ४० एकर ऊसाला अचानक आग लागली. यामध्ये ऊसाचे मोठे नुकसान झाले आहे. या आगीचे कारण मात्र समजू शकले नाहीत.
सूत्रांकडून प्राप्त माहितीनुसार, रविवारी दिनांक ६ नोव्हेंबर २०२२ रोजी दुपारी बारा वाजण्याच्या सुमारास गणेगाव दुमाला येथील शितोळे मळा येथील अविनाश शितोळे यांच्या उसाच्या शेताला आग लागली. त्यानंतर दत्तात्रय शितोळे, रामराव गरुड, पोपट गरुड, कोंडीबा गरुड, संतोष गरुड, मानसिंग शितोळे, अमरसिंग शितोळे, दिलीप शितोळे, किसन गरुड, अरुण गरुड, दीपक गरुड, ज्ञानदेव सांगळे, चंद्रकांत कुदळे, महादेव कुदळे, नाना कुदळे या शेतकऱ्यांच्या एकूण ४० एकर ऊस जळून मोठे नुकसान झाले आहे.
